недела, 27 мај 2018 | Вести денес: 69 ново

Самоубиствен напад во центар за гласање во Кабул, загинаа повеќе од 30 лица

Во самоубиствен напад во центарот за регистрација на гласачи во Кабул загинаа најмалку 31 лице, а повеќе од 50 се повредени. Експлозијата одекна пред влезот на зградата, каде луѓето чекаа да бидат запишани за гласање.

ИСИС ја презеде одговорноста за нападот.

Првичната истрага покажа дека бомбашот-самоубиец имал експлозивен појас на себе. Очевидецот Башир Ахмад за ББС кажа дека многу од жртвите биле жени со деца кои биле таму за да ги добијат личните карти и да се пријават за изборите.

Ова е четврти напад врз ваков центар, откако регистрацијата на гласачите започна пред една недела за изборите што треба да се одржат во октомври.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top