недела, 22 април 2018 | Вести денес: 1 ново

Збогум, лавици: Шести фајнлфор, песна и солзи во „Јане Сандански“ (ВИДЕО)

Ракометарките на Вардар на најдобар можен начин се збогуваа со публиката во „Јане Сандански“, откако успеаја да го прегазат Митјиланд со високи 32-25. Ова воедно беше и последен натпревар на бројни ракометарки кои сезонава ги бранат вардаровите бои, а по последниот судиски свиреж беше многу емотивно, како на теренот, така и на трибините…

Фото: Спорт 1

На првиот меч во Данска вардарки победија со 24-23, а ова 13. триумф сезонава во лигата на шампионите. За ракометарките на европскиот првак ова ќе биде петто учество по ред на завршниот Ф4 турнир што досега никому не му успеало. Во вторник е ждрепката за полуфиналните двојки а Ф4 турнирот се игра на почетокот на мај.

Вардар покажа дека во Данска имаше само лош ден во кој ни требаше долго време за да ја преземеме иницијативата и да направиме пресврт што ќе ни донесе триумф и помирен реванш. Сега во Скопје ништо не беше прпеуштено на случајот. Од самиот почеток го презедовме водството и кога поведовме со 8-5 гостинскиот тренер побара тајм аут и не сакаше да им дозволи на домаќините резултатски да се одлепат. И така беше само уште некоја минута. Потоа следуваше серија за водство од „плус 4″, 12-8 и уште една серија од 5-1 за „бегство” на 16-9. Тоа беше знак дека веќе сѐ е решено.

Кај гостинките само Вероника Кристијансен успеваше да најде начин да се протурка низ одбраната, да најде пукнатина и да упати удар што ќе заврши во межата на Лејно или Суслина. Таа во првото полувреме постигна 2/3 од головите на Митјиланд, вкупно 8 од 12-те на тимот.

Во завршницата со две загубени топки и мало опуштање и промена на дел од ракометарките на теренот противникот намали на 17-12, но играта на нашите ракометарки беше на шампионско ниво и со право сите очекуваа во второто полувреме да продолжиме со исто темпо и добра реализација.

Очекувањата на гледачите брзо се остварија. Вардар продолжи да игра речиси без грешки. Се користеа шансите од контра, дури и со празен гол на гостите кои се обудуваа да најдат решение за нашата одбрана. Лејно влезе во свој елемент, па она што ќе минеше низ рацете на одбраната беше сопирано од нејзе.
Митјиланд немаше ниту решение ниту пак идеја како да му се спротистави на Вардар. Тренерот на данскиот клуб веќе во 45 минута го искористи и третиот тајм аут. Вардар тогаш имаше водство од 25-12, а Митјиланд не успеа ниту еднаш да ја погоди мрежата на Лејно.

Кристијансен во 45 минута го постигна првиот гол за гостинките намалувајќи на 25-13. Потоа и гостинските веќе се соземаа од шокот па успеаја да одржат чекор, но разликата остануваше двоцифрена.
Кога веќе беше јасно дека Вардар ќе триумфира и тоа убедливо, малку спласна играта ато аго искористи Митјиланд да намали на 32-25.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top