четврток, 19 јули 2018 | Вести денес: 1 ново

Абрамович ќе ги продаде најголемите ѕвезди, од Челзи си заминуваат дури девет играчи!?

Извесно е дека италијанскиот тренер, Антонио Конте на крајот од сезоната ќе го напушти Челзи, а со него би можело да си заминат и девет фудбалери.

„Телеграф“ пишува дека сопственикот на Челзи, Роман Абрамович повеќе не може да го гледа срамот на лондонскиот клуб и дека одлучил да превземе поголема улога. Прво ќе му врачи отказ на Конте, кој минатата сезона ја освои титулата во Премиер лигата, а оваа е во борба само за ФА купот, па ќе се обиде да го доведе неговито сонародник, Масимилиано Алегри.

Пред напуштање на Челзи се најголемите клупски ѕвезди, Еден Азар и Тибо Куртоа кој долго време се поврзуваат со мадридскиот Реал. Белгиското дуо не планира да помине сезона во клубот кој следната сезона нема да игра во Лигата на Шампионите. Цеск Фабрегас, Педро, Гери Кејхил, Давид Луиз и Оливие Жиру, кој стигна пред два месеци исто така би требало да го напуштат Челзи.

Мичу Батшуи и Курт Зума, кои си заминаа на позајмица, најверојатно нема да се вратат во Челзи, тврди споменатиот медиум.

дерби.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top