недела, 22 јули 2018 | Вести денес: 54 ново

Зошто на „Фејсбук“ му се потребни смс-пораки и контакти од корисниците?

Откако социјалната мрежа „Фејсбук“ вчера објави извинување во американските и британските весници поради скандалот со британската консултантска фирма „Кембриџ Аналитика“, веб страницата „Арс Техника“ информира дека корисниците проверувале кои податоци се преземаат за нив од страна на „Фејсбук“ и утврдиле дека имињата на контакти, телефонски броеви и СМС пораки биле собирани во текот на две или повеќе години од уредите со Андроид.

„Фејсбук“ изјави дека информациите се чуваат на безбедни сервери и оти податоците се земани со знаење на корисниците, кои се согласиле да се пристапи до нивните податоци.

Портпаролката на „Фејсбук“ изјави дека информациите не се споделуваат со пријатели или со надворешни апликации и се користат со цел да се подобри комуникацијата на луѓето на „Фејсбук“.

Социјалната мрежа соопшти дека никогаш не ги продава информациите и не ја чува содржината на СМС пораките или разговорите.

Но, портпаролката не одговори на прашањето зошто е потребно да се собираат податоци за телефонски контакти и СМС пораки.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top