понеделник, 24 септември 2018 | Вести денес: 53 ново

Шеснаесетгодишно момче повредено откако сакале да го ограбат

Во обид за грабеж, 16-годишно момче со тврд предмет било прободено во десната нога. Напаѓачите прво му побарале пари, а потоа му нанеле убодна рана. Момчето било згрижено на клиниките во Скопје.

Како што соопшти МВР, вчера во 17:55 часот во Единицата за информации и команда Скопје било пријавено од страна на Ургентниот центар при комплексот клиники „Мајка Тереза“ дека кај нив е донесено повредено 16-годишно момче од Скопје.

Околу 15:30 часот, додека малолетникот се движел по улицата „Анастас Митрев“ бил пресретнат од неколку непознати лица кои му побарале пари. Откако им кажал дека нема пари, тие го турнале и со тврд остар предмет му нанеле убодна рана во десната нога.

МВР презема мерки за пронаоѓање на напаѓачите и за целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top