петок, 19 октомври 2018 | Вести денес: 0 ново

Се омажи Емили Ратајковски: Наместо венчаница носеше костим од 200 долари

Една од најсексипилните жени на светот Емили Ратајковски ги изненади своите фанови на Инстаграм со објавата дека се омажила.

„Имам изненадување за вас. Се омажив денеска“, напиша 26-годишниот модел, постирајќи серија фотографии со својот новопечен сопруг, Себастијан Бер-Мекклард.

Ова доаѓа само два месеца откако Ратајковски се раздели од своето претходно момче, додека, истовремено, јавноста не беше многу запозната со нејзината врска со американскиот режисер, продуцент и актер. Двајцата за првпат биле видени заедно на кошаркарски натпревар во декември.

Венчавката се случила во Градската сала на Њујорк, при што Ратајковски носеше жолт костим од „Зара“, кој чини 200 долари и црн шешир.

Меѓу ретките гости на свечениот чин биле колегата-режисер на Бер-Мекклард, Џош Сефди и кучето на Ратајковски.

 

извор: smart.sdk.mk

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top