вторник, 22 мај 2018 | Вести денес: 0 ново

Орбан: Европскиот парламент го применува планот на Сорос

Унгарскиот премиер Виктор Орбан го обвини Европскиот парламент дека почнал да го применува „Планот на Сорос“.

Тој ова го изјави откако одборот на ЕП за граѓанските слободи, правосудство и внатрешни прашања (LIBE) го усвои извештајот за примена на Даблинскиот договор.

„Извештајот на LIBE “ја занемарува опасноста дека постои поврзаност меѓу миграцијата и тероризмот“, изјави Орбан додавајќи дека примената на овој договор исто така ќе ги ограничи овластувањата на државите членки.

Тој оцени дека и покрај “загрижувачките разлики по овие прашања“ меѓу Вишеградската четворка и Европската комисија, работната вечера на лидерите на Вишеградската четворка и претседателот на Европската комисија, Жан-Клод Јункер во средата била успешна.

Исто така додаде дека постои добра шанса за подобрување на соработката, пренесува „МТИ“. Според неговите зборови, несогласувањата по прашањето за безбедноста на Европа и миграцијата повеќе се вкоренети во културолошки отколку во политички разлики.

„Разјаснивме одреден број на прашања, околу кои не се согласуваме и успеавме да му кажеме на Јункер дека сакаме повеќе почитување за народите од Централна Европа, меѓу кои се и Унгарците“ – изјави Орбан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top