петок, 16 ноември 2018 | Вести денес: 91 ново

Мисајловски: Сите депонии во Ѓорче Петров ќе ги претвориме во зелени површини (видео)

Во мојата програма има многу проекти, но еден важен сегмент ќе биде животната средина, здравјето и пред се, чисто и зелено Ѓорче, изјави денеска кандидатот за градоначалник на општина Ѓорче Петров од ВМРО-ДПМНЕ, Владо Мисајловски.

Вели дека во неговата програма се предвидени повеќе проекти како Ѓорче Петров да нема повеќе отпад.

-Сакаме Ѓорче да нема никаде отпад и сите депонии да ги претвориме во зелени површини. Нови 10.000 садници во Ѓорче Петров, но исто така и нови рекреативни содржини, особено покрај реката Лепенец. Туку планираме нови содржини да изградиме. Да го урбанизираме тоа место и секој граѓанин да може да дојде, да се рекреира и да направиме повеќе простор и повеќе катчиња за сите граѓани. Да се ужива на овие места, посочи Мисајловски.

Мисајловски потенцира дека многу ќе се осврнат во делот на екологијата и животната средина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top