четврток, 19 јули 2018 | Вести денес: 0 ново

Борисов: Како што се договори со Бугарија, Македонија треба да се договори и со Грција

Грција и Македонија треба да најдат решение за меѓусебниот спор како што тоа го направија Софија и Скопје, изјави бугарскиот премиер Бојко Борисов.

Треба да се најде решение меѓу двата народа, така како што ние го најдовме, бидејќи Грција ќе ги блокира за НАТО и за ЕУ, истакнува Борисов во изјава за „Труд“, одговарајќи на прашање зошто на вчерашната среба на лидерите на Бугарија, Грција, Романија и Србија во Варна, не присуствувал и македонскиот премиер Зоран Заев.

За создавањето на т.н. „Варнанска четворка“, бугарскиот премиер оценува дека со тоа се потврдува заедничката волја за обединување, европска интеграција и за почитување на европските принципи и правила. Тоа воедно значи и решавање на прашањата кои се важни за Балканот, истакна Борисов.

Македонија не беше поканета на овој состанок и не е дел од четворката, иако на состанокот една од главните точки беше разговор беше токму иднината на нашата земја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top