вторник, 22 мај 2018 | Вести денес: 0 ново

Јункер: Турција со џиновски чекори се оддалечува од Европа

Турција со „џиновски чекори“ се оддалечува од Европа и се обидува вината да ја префрли на Европската унија, изјави во интервјку за германски „Билд“ претседателот на ЕК, Жан Клод Јункер.

– Турција се оддалечува од Европа со џиновски чекори. Таа не може да издржи жештина во европската кујна и како резултат на тоа се обидува да ја префрли вината на ЕУ за пропаѓање на преговорите. Јас би сакал тоа да го спречам. Мнозинство од цивилното општество во Турција е настроено кон Европа. Би требало да ги поддржиме, а не да ги разочаруваме, изјави Јункер.

Тој го поддржува предизборниот предлог на германскиот канцелар Ангела Меркел да се прекинат преговорите со Анкара, но вината за лошите односи меѓу ЕУ и Турција ја префрла на турскиот претседател Реџеп Тајип Ердоган.

Јункер додава дека нема ништо против Меркел да ја преземе неговата функција по истекот на мандатот во 2019 година, но смета дека таа нема такви планови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top