понеделник, 23 јули 2018 | Вести денес: 82 ново

Јункер: ЕК ќе ја почитува одлуката за независност на Каталонија

Претседателот на Европската комисија, Жан Клод Јункер изјави дека Комисијата ќе го „испочитува“ позитивниот исход од референдумот за независност на Каталонија, нагласувајќи дека таа не треба да очекува оти ќе стане членка на ЕУ веднаш по гласањето.

– Комисијата не се вклучува во интерни, домашни дебати, истакна Јункер, додавајќи дека дискусијата за референдумот во Каталонија е хипотетичка бидејќи Шпанија не го признава гласањето.

Тој објасни дека доколку Каталонија се отцепи од Шпанија ќе мора да почне да ја следи истата процедура за пристапување кон ЕУ, како и членките кои се примени во 2004 година.

Претставници на Каталонија соопштија дека на 1 октомври во автономната област ќе биде одржан референдум за независност, додека шпанскиот премиер Мариано Рахој потенцираше дека „по секоја цена“ ќе го спречи спроведувањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top