среда, 15 август 2018 | Вести денес: 15 ново

Од утре пријавување за Прв до врв 2016

Утре почнува пријавувањето за годинашниот настан Прв до врв за масовно искачување до врвот на Водно со планинарење и возење велосипеди.

На 22 мај оваа година ќе се случи четвртото издание на популарната трка на Водно, во која учествуваат неколку илјади спортисти и рекреативци во категориите планинско трчање, планински велосипедизам и друмски велосипедизам.

Prv-do-vrv-2015-6-735x400

Пријавувањето почнува со промотивен викенд и симболична цена од 120 денари за најбрзите 100 пријавени учесници, по што цената за пријавување ќе биде 180 денари и ќе важи до 29 февруари, па 240 денари од 1 март до 30 април и 300 денари од први до 21 мај. Секој учесник добива стартен број, официјална маичка за 2016 година, освежување за време на трката, а победниците ќе бидат наградени.

По трките традиционално ќе се организира олимписки пикник на целта кај врвот, кога ќе бидат прогласени победниците во машка и женска конкуренција, како и најбрзите семејства, тимови, деца до 14 години и возрасни учесници над 40 години.

Натпреварувачите можат да се пријават на веб страницата www.prvdovrv.mk.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top