Времето денеска ќе биде променливо облачно, со појава на магла или ниска облачност по одделни котлини, особено долж Повардарието. Ќе дува слаб ветер претежно од западен правец.

Максималната температура ќе биде во интервал од 9 до 14 степени.

Во Скопје, претпладне со појава на магла или ниска облачност, а преку денот променливо облачно и магливо. Максималната температура ќе достигне до 10 степени.

Во наредните денови продолжува периодот на стабилно и претежно тивко време со релативно високи дневни температури. По котлините ќе има појава на магла или ниска облачност со променлив интензитет и пониски дневни температури. Особено топло ќе биде на повисоките места за време на викендот и во почетокот на следната седмица.

За време на новогодишната ноќ времето ќе биде претежно ведро и тивко, а по котлините ќе има појава на магла или ниска облачност.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.