Дозволете ми од мое лично име и од името на ВМРО-ДПМНЕ на сите верници од католичка вероисповед да ви го честитам големиот христијански празник Божиќ, пишува во својата честитка упатена до католичките верници по повод Божиќ лидерот на ВМРО-ДПМНЕ Христијан Мицкоски.

Овие празнични денови нека донесат мир и спокој во вашите домови, добро здравје, радост и среќа.

Во духот на христијанството потребно е да ги негуваме вредностите на толеранција, почитување, да се сплотиме и обединеме сите заедно.

Во овие мигови да си спомнеме за луѓето кoи се борат против сиромаштијата, кои ги споделуваат тешките времиња на неизвесност и несигурност, на оние кои немаат да си дозволат пристојна трпеза во своите домови. Да работиме да се смени таа реалност. Убеден сум и знам дека со многу работа и цврста волја можеме да ја промениме лошата реалност.

На граѓани им е доста од колективните неуспеси, потребна е промена за подобра иднина и нова надеж.

Од Македонија мораме да создадеме држава на задоволни и среќни граѓани, со квалитетен и подобар живот. А тоа можеме да го постигнеме со меѓусебно разбирање и заедништво.

Добрината и љубовта нека биде водилка во вашите срца, а светлината и топлината нека бидат присутни во вашите домови.

Нека е за многу години големиот христијански празник Божиќ.

Христос се роди!

Навистина се роди!, пишува Мицкоски во честитката.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.