Претседателот Стево Пендаровски денеска ги прими европратениците, Тинеке Стрик и Рајнхард Бутикофер, претставници од Зелените/Групата на Европска Слободна Алијанса, од Европскиот Парламент.

На средбата беше разговарано за текот на евроинтеграциите на Македонија од аспект на скрининг процесот, реформските активности што ги презема земјава и прилагодување со европското законодавство, како и за актуелните случувања во Европската Унија.

Претседателот Пендаровски истакна дека е неопходно да се посвети посебно внимание на реформите во областа на судството, борбата против корупцијата и организираниот криминал, и изрази очекување дека европските институции ќе дадат максимална поддршка и ќе го забрзаат процесот на пристапување на Македонија со што ќе се овозможи земјава да ги почувствува конкретните придобивки во текот на преговорите.

На средбата со европратениците, претседателот Пендаровски се заблагодари за досегашната поддршка од Зелените/Групата на Европска Слободна Алијанса, и посочи дека земјава е отворена за натамошна соработка.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.