Германскиот министер за економија, Роберт Хабек, изјави дека на неговата земја и се заканува недостиг на гас доколку испораките од Русија останат на сегашното ниско ниво, а доколку до зима ги нема доволно, тогаш одредени индустрии ќе мора да бидат затворени, пренесе магазинот „Шпигел“.

Компаниите би морале да го прекинат производството, да отпуштат работници, синџирите на снабдување би пропаднале, луѓето би се задолжиле за да ги платат сметките за греење, тие луѓе би станале посиромашни – изјави Хабек.

Германскиот министер за економија смета дека е можно Русија целосно да престане да испорачува гас преку гасоводот „Северен тек“ и повторно го искажа ставот дека „не верува во техничките проблеми што Кремљ ги наведе како причина за намалената испорака на гас“, посочувајќи дека станува збор за политичка мерка.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.