Британското министерство за одбрана, објави нов разузнавачки извештај за состојбата на фронтот во Украина, во кој се истакнува дека клучната точка на која ќе се „крши“ развојот на војната ќе бидат премините преку реките во Донбас.

Во британскиот извештај се додава дека и натаму, во моментов најжестоки борби се водат во Северодонецк.

Клучниот, 90 километри долг централен сектор на руските сили во Донбас лежи западно од реката Сиверски Донец.

 

За да постигне успех во тековната оперативна фаза на нејзината офанзива во Донбас, Русија или ќе мора да ги заврши амбициозните странични дејства или да изврши директен напад преку речни премини.

 

Украинските сили честопати успеваа да ги урнат мостовите пред да се повлечат, додека Русија се мачеше да воспостави сложена координација неопходна за спроведување на успешни, големи речни премини под оган – се наведува во британскиот разузнавачки извештај.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.