понеделник, 23 јули 2018 | Вести денес: 0 ново

Гинеколозите најавија прекин на прегледите: А да го оставиме ФЗОМ да ги лечи пациентките?

Нема да прегледуваат и лекуваат пациентки, само ќе пишуваат упати и ќе даваат боледувања. Ваква закана денеска матичните гинеколози упатија до ФЗОМ преку писмо до медиумите. Зголемување на капитацијата од 50 на 60 денари, бодот да биде според возраста на пациентката и да се дефинира пакетот на услуги кои ги покрива државата. Ова се главните барања на гинеколозите од примарното здравство, објави Сител.

– Фондот за здраство со години ги залажува пациентите дека се е бесплатно, без да го дефинира пакетот на бесплатните услуги во примарното здравство. А да го оставиме ФЗОМ да ги лечи пациентките и да ја намали перинаталната смртност со своите популистички политики кои немаат никаква врска со унапредување на квалитетот на здравствените услуги ? Ние, МАТИЧНИТЕ ГИНЕКОЛОЗИ ќе пишуваме упати за во болница, стои во писмото од УО на ЗПГАМ.

Матичните гинеколози се револтирани бидејќи биле изоставени при последното зголемување на капитацијата, а новото раководство на Фондот тактизирало за нивните барања кои им ги доставиле во јануари.

– ФЗОМ не се грижи за добриот доктор. Дури, со својот игнорантски, деградирачки, арогантен, популистички и банкарско-лихварски однос постојано и систематски се обидува да го стивне гласот на добриот доктор, делувајќи како еден од позначајните фактори на страдање на докторската заедница, се вели во писмото од Здружението на приватни гинеколози.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top