недела, 22 јули 2018 | Вести денес: 44 ново

Грчките медиуми споменуваат две имиња кои можеби би довеле до решение

Грчката Влада веќе ги има своите предлози што во Скопје ќе ги донесе министерот за надворешни работи,  Никос Коѕијас и за кои е подготвен да ги дискутира за време на посетата на Скопје на 22 март.

Горна Македонија, но и Нова Македонија напишани на словенски јазик се во игра од петте предлози во пакетот на Атина. Ова го пишуваат грчките медиуми кои се повикуваат на американски извори цитирани од Хелас Џурнал, а како што се наведува во насловите, се преферира Горна Македонија, што би било прифатливо за грчката Влада. Главната цел пишуваат тамошните медиуми е да се забрза процесот, кој би се завршил до јуни. Грчкото министерство за надворешни работи не ги коментира ваквите информации, пренесуваат медиумите, без да се прецизира и дали пакетот грчки предлози е испратен до Скопје.

За промената на Уставот, медиумите во Грција пишуваат дека премиерот, Зоран Заев го нема потребното мнозинство, но и дека Законот за јазици влијае на преговорите за името.

 

извор:фактор.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top