понеделник, 22 октомври 2018 | Вести денес: 1 ново

Македонски државјани меѓу уапсените во полициска акција во Цирих

Полицијата од швајцарскиот кантон Цирих спроведе акција за сузбивање на криминалот и приведе 127 лица, меѓу кои има државјани на Македонија, Србија, Косово, Грузија, Франција, Колумбија, Монголија, Полска, Романија и Сирија.

Полицијата спроведе повеќе контроли, а меѓу уапсените се 24 осомничени провалници.

Акцијата траела од октомври до февруари годинава, а за време на тој период е зголемен бројот на патроли во кантонот, како и контрола на возила, се наведува во соопштението од швајцарската полиција.

Врз основа на контролите уапсени се 24 лица осомничени за провала, од кои 21 се предадени на надлежното обвинителство. Вкупно 55 лица се уапсени поради кршење на законот за странци или наркотици. Исто така, поднесени се и 180 пријави и изречени се многу казни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top