недела, 23 септември 2018 | Вести денес: 3 ново

Српските социјалисти бараат подигнување споменик на Милошевиќ во Белград

Социјалистичката партија на Србија (СПС) официјално побара во Белград да биде подигнат споменик на поранешниот претседател на СР Југославија и Србија и нејзин партиски лидер Слободан Милошевиќ.

Предлогот на СПС, во изјава за „Блиц“ го потврди партискиот почесен претседател Милутин Мркоњиќ, кој досега во неколку наврати безуспешно ја иницираше оваа идеја.

Иницијативата е доставена до Комисијата за именување улици и плоштади при Градското собрание на Белград, кое допрва треба да биде конституирано по изборите одржани во неделата.

Претставничка на иницијаорите во изјава за „Блиц“ тврди дека одговор на предлогот очекуваат за „месец, до два“.

Ако Комисијата даде позитивно мислење за предлогот, конечното решение по него треба да го донесе белградското Градско собрание во кое мнизунство има коалицискиот партнер на СПС, Српската напредна партија (СНС) на претседателот на Србија, Александар Вучиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top