среда, 23 мај 2018 | Вести денес: 83 ново

Организацијата која доби пари вели дека нема да прави геј парада во Скопје туку културен фестивал

Коалицијата МАРГИНИ најостро реагира на објавите дека Коалицијата добила средства од Министерството за култура за организирање на геј парада.

Од коалицијата МАРГИНИ сметаат дека целта на оваа објава е манипулирање со јавноста, ширење на дискриминаторски и хомофобичен говор на омраза, сеење на страв и морална паника, ширење лаги, и репродуцирање на нетолерантните и насилни ставови во општеството.

-На ваков начин повторно се злоупотребува ЛГБТИ заедницата, активистите за човекови права и културните работници, со цел собирање на евтини политички поени и девалвација на нивните политички противници. Одобрениот грант на Коалицијата, како што и самите напишавте, за да истото го игнорирате и манипулативно превртите во насловите на објавата, е за одржување на Скопскиот викенд на гордоста 2018, што ќе се одржи по шести пат годинава. Скопскиот викенд на гордоста е културен и уметнички фестивал, на кој со години по ред се претставуваат и земаат учество некои од најзначајните современи уметници, теоретичари и културни работници од регионот, Европа и светот, и за кој публиката со години по ред покажува интерес, видливо во континуираната и огромна посетеност на перформансите, изложбите и предавањата во склоп на Викендот, се вели во демантот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top