сабота, 24 февруари 2018 | Вести денес: 81 ново

Принцот Хари го избра кумот за својата венчавка (фото)

Се е речиси подготвено за претстојната британска кралска венчавка на актерката Меган Маркл и принцот Хари. Свеченоста ќе се случи на 19 мај, а британските медиуми на секој можен начин доаѓаат до деталите околу прославата.

Свадбата ќе почне напладне во црквата Сент Џорџ, а потоа следува традиционално дефиле на младенците со кочии.

Иако блиските на принцот Хари не сакаат да потврдат, медиумите во Велика Британија пренесуваат дека тој за кум го избрал својот брат Вилијам.

– Хари има неколку блиски пријатели, но нема шанси да прашал некој друг освен неговиот брат, изјави неименуван извор близок до кралското семејство.

На венчавката се поканети и познати личности – глумците колеги на Маркл од серијата „Suit”, потоа Пријанка Чопра, тенисерката Серена Вилијамс… Свадбата ќе се пренесува во живо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top