сабота, 21 јули 2018 | Вести денес: 0 ново

Тилерсон: Крајот на операцијата не значи и трајна победа над исламистите

Завршувањето на големата воена операција против Исламска држава не значи дека САД и нејзините сојузници постигнале трајна победа над екстремистите, изјави денеска американскиот државен секретар Рекс Тилерсон.
На состанокот во Кувајт за глобалната коалиција против ИД, Тилерсон истакна дека САД одлучиле да дадат дополнителни 200 милиони долари, кои би се искористиле за стабилизирање на ослободената територија во Сирија.

Вашингтон бара од коалицијата, составена од 74 држави, да вложат напори и да ги надминат меѓусебниот ривалитет, да се концентрираат на основната задача – уништување на ИД во Ирак и Сирија.

Непријателствата меѓу Иран и Сирија од една, и Израел од друга страна се заканува да создаде нов конфликт во Сирија, каде веќе има премногу завојувани страни, оценуваат американските медиуми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top