вторник, 21 август 2018 | Вести денес: 1 ново

Скопјанец затекнал крадец во својот дом, додека бегал му испаднале парите што ги украл

Скопјанец затекнал крадец како пребарува во дневната соба од неговата куќа, по што тој физички го нападнал и побегнал. Бегајќи на крадецот му испаднале парите што ги украл, а кусо потоа бил пронајден и приведен од полицијата.

– На 12 вевруари 23:20 часот во СВР Скопје Д.Т. телефонски пријавил дека на ул.„Македонска преродба“ во куќа, го затекнал М.Д. (21) како претура во дневната соба, но откако М.Д. забележал дека бил виден од пријавителот, физички го нападнал, по што го напуштил местото на настанот, информира МВР.

М.Д., според полицијата, украл неутврдена сума на пари кои му испаднале додека бегал. Тој по кратко време од страна на полициски службеници бил пронајден и приведен во ПС Ѓорче Петров, и во него биле пронајдени 5.500 денари. Се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top