сабота, 24 февруари 2018 | Вести денес: 81 ново

Водата за пиење во Прилепско е неисправна

Водата за пиење не е исправна од четири мерни места во четири села во Прилепско, информираат од Центарот за јавно здравје од Прилеп.

Според направените анализи на Центарот не е исправна водата од два приватни објекта во селата Волково и Мало Рувци, а во селата Чумово и Прилепец водата од јавните чешми не смее да се користи за пиење.

Медицинските експерти препорачуваат водата од овие мерни места задолжително да се преврива најмалку десет минути пред употребата.

Општина Прилеп во четирите населени места денеска ќе достави известувања според препораките на Центарот за јавно здравје, со цел да се превенираат несакани последици за здравјето на жителите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top