сабота, 26 мај 2018 | Вести денес: 57 ново

Тројца повредени во сообраќајна несреќа во Струмица

Во сообраќајната несреќа што се случила синоќа 40 минути по полноќ во Струмица се повредени три лица.
На крстосницата на улиците „Маршал Тито“ и „Ристоман Попчевски“ директно се судриле два автомобили марка „Пежо“. Автомобилот „Пежо 308“ го управувала Л.К. (50), а второто „Пежо 407“ со швајцарски ознаки го управувал малолетник роден 2001 година без возачка дозвола. Со него била и седумнаесетгодишна сопатничка.

Од ударот на двете возила „Пежо 308“ удрило во паркиран автомобил „опел астра“.

Од последиците од сударот двајцата возачи и сопатничката биле повредени и се пренесени на лекување во болницата во Струмица.

На местото на несреќата е извршен увид од страна на полицијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top