недела, 25 февруари 2018 | Вести денес: 70 ново

Инди составот „Џун“ во „Јавна соба“

Инди составот „Џун” (June) е формиран во 2010 година, а како дел од него се Бојана, Данчо, Јане, Анте и Филип. Овој музички состав со својот специфичен микс на американски инди поп, со примеси на акустичен кантри поп и дава свежина на македонската инди сцена и одлично ја застапува како дома така и надвор од границите на државата. Имаат оставено белег на EXIT 2011, Здраво Млади 2012, PIN Conference 2012, Sziget Festival 2015, Vienna Waves Festival 2015, Eurosonic Noorderslag 2016, Skopje Design Week 2016.
Позади себе имаат три студиски албуми, и тоа “Someday soon” (јуни 2012), “Indian Summer” (декември 2014) и последниот албум “Living For The Weekend” кој објавен во март 2017.

Инди составот Џун, својата турнеја во Македонија ќе ја заокружи со концерт во „Јавна соба“. Во фокус го става својот последен албум “Living For The Weekend”.
Јавна соба продолжува со продукција на концерти на авторкски музички состави од Македонија и регионот. Оваа сезоната зима – пролет 2018 ќе имаме можност да слушнеме покрај “June” и “Растко Обрадовиќ квартет”, и други состави од белградската нова музичка сцена.
Концертот е вечерва и влезот во „Јавна соба“ е бесплатен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top