петок, 25 мај 2018 | Вести денес: 19 ново

Тој навива против нас, но Фалангата го поздрави: ВУЈО МАЈСТОРЕ

Словенечкиот селектор Веселин Вујовиќ повторно е присутен на натпревар на Македонија, овој пат на дуелот против Чешка. И тоа повторно седи меѓу „Фалангата“, како на претходниот натпревар против Шпанија.

Вујо ја надмудри Шпанија, но не замина в хотел, туку остана во „Вараждин арена“ да го следи вториот ракометен натпревар. Ем заради Македонија, ем заради Чешка како свој нареден ривал. Овој пат, Вујовиќ доби и овации од публиката, која грмна во еден глас – „Вујо, мајсторе!“.

Вујовиќ е миленик на македонската публика, затоа што во минатото беше селектор, но и тренер на Вардар и му пркосеше на помоќниот и побогат ривал Металург.

Извор: Гол

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top