сабота, 18 август 2018 | Вести денес: 0 ново

„Катимерини“: Протестот против „Македонија“ планиран за во Атина ќе се одржи во Пиреја

Протестот против употребата за терминот „Македонија“ во кое било решение за името што требаше да се одржи во Атина на 4 февруари ќе се одржи во Пиреја, пишува грчки „Катимерини“.

Весникот пренесува дека во официјалното известување, организаторите кои стојат и зад протестот што се одржа во неделата во Солун, не сакале да предизвикаат сообраќаен хаос во центарот на Атина со одржување на протестот на централниот плоштад Синтагма.

Сепак, според информациите на кои се повикува „Катимерини“, местото на одржување на протестот е сменето од безбедносни причини, бидејќи организаторите стравувале од судири меѓу демонстрантите, од кои многу наводно припаѓаат на националистичкиот камп и самонаречените анархисти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top