сабота, 20 октомври 2018 | Вести денес: 50 ново

Страшна Барселона: Му даде пет гола на Бетис во последните 30 минути (видео)

Барселона ја покажа својата сила и моќ на секогаш незгодното гостување во Андалузија кај тимот на Бетис, а иако оваа вечер имаше потешкотии да го скрши отпорот во првиот дел, во второто полувреме ја демонстрираше својата доминација погодувајќи ја дури пет пати мрежата на голманот Адан.

Тимот на Ернесто Валверде не пронајде начин да ја затресе противничката мрежа во воведниот дел од мечот, но затоа во продолжението заигра на шампионско ниво и даде пет гола во период од 59-та до 89-та минута. Ракитиќ го отвори гол шоуто, а во продолжение по два гола постигнаа Меси и Суарез кои на најдобар можен начин ги финишираа фуриозните 30 минути на Каталонците во кои го понижија противникот и ја зголемија предноста на првенствената табела во однос на Атлетико Мадрид.

Барселона сега има 11 бодови предност во однос на „душекџиите“, 14 во однос на Валенсија, а 19 во однос на Реал Мадрид кој има и натпревар помалку.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top