петок, 17 август 2018 | Вести денес: 2 ново

Страшна сообраќајка: Повредени четворица македонски државјани кај Банско

Четворица македонски државјани завршија во болница откако синоќа настрадаа во тешка сообраќајна несреќа што се случи на патот Добриниште-Банско, Бугарија, јави БГНЕС.

Автомобилот со македонска регистрација излетал од патот и се превртел неколку пати. Две амбулантни возила од Банско и од Разлог пристигнале на местото на настанот, а пожарникари го сечеле возилото за да ги извлечат повредените патници.

Сите повредени се во болницата во Разлог и се надвор од животна опасност. Повредени се тројца 48-годишни мажи и еден 41-годишен маж. Тие имаат различни повреди – контузии на градите, фрактури и повреди на екстремитетите.

Полицијата земала крв од возачот поради сомневање за употреба на алкохол, јавува БГНЕС

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top