петок, 19 јануари 2018 | Вести денес: 76 ново

Евтино ја замолчал: За 130.000 долари порноактерка ништо не се сеќава на секс-аферата со Трамп

Трамп ја запознал Стефани Клифорд, која во филмовите за возрасни го користи името Сторми Даниелс, на еден голф настан во 2006. година.

Личниот адвокат на Трамп се договорил со порно актерката да ѝ исплати 130.000 долари, за да ја спречи да проговори за наводната секс афера со Трамп, се наведува во извештајот кој во петокот го објавил “WВолстрит џурнал”.

Трамп ја запознал Стефани Клифорд, која во филмовите за возрасни го користи името Сторми Даниелс, на еден голф настан во 2006. година. Тоа било само една година откако стапил во брак со Меланија.

Клифорд својата приказна ја изнела за “АБЦ њуз” во есента 2016. година, а се однесувала на наводната врска со Трамп, пренесува НБЦ њуз.

Меѓутоа, еден месец изборите за претседател на САД, таа добила 130.000 долари, па нејзината приказна никогаш не го видела светлото на денот.

Клифорд за својата афера со Трамп наводно зборувала со списанието “Слејт”, а главниот уредник на тоа он-лајн списание истакнал дека порно актерката му признала дека имала афера со Трамп.

Во петокот Белата куќа издала соопштение во кое се наведува дека приказната на “Волстрит џурнал” е стар и демантиран извештај кој е објавен и демантиран уште пред изборите.

Адвокатот на Трамп исто така го обвинил овој медиум дека објавува лажни вести повеќе од една година.

Неколку дена пред изборите во 2016. година, била објавена приказната дека National Enquirer и платил 150.000 долари на поранешната плејбој зајачица Карен МекДугал, за да молчи за својата врска со Трамп.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top