петок, 20 април 2018 | Вести денес: 93 ново

Лекарите предупредуваат за Божик: Прекумерно конзумирање храна носи ризик од срцев удар

Прејадувањето го покачува крвниот притисок, го зголемува ризикот од срцев удар, може да предизвика воспаление на панкреасот, мачнина и други сериозни здравствени проблеми , предупредуваат експертите за исхрана. Доктор Спироски од Институтот за јавно здравје советува овие семејни празници кои изобилуваат со многу храна посебно внимателни да бидат лицата кои мислат дека се здрави, а тоа не им е потврдено од лекар.

– Треба да се внимава со храната бидејќи прејадувањето може да биде животозагрозувачки проблем. Посебно да внимаваат оние кои мислат дека се здрави, а состојбата не им е потврдена од лекар, изјави за ТВ Сител, д-р Игор Спироски, Институт за јавно здравје.

Граѓаните кои ги практикувале Божиќните пости постепено да се вратат кон нормалната исхрана.

-Не треба враќањето кон нормалната исхрана да биде драматично за да не се преоптовари организмот додава д-р Спироски за Сител.

Лекарите советуваат дека физичката активност на чист воздух е најдоброто решение за прејадувањето, а оние кои живеат во места каде воздухот е загаден да не претеруваат со јадењето

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top