понеделник, 23 април 2018 | Вести денес: 85 ново

Што најмногу се пребарувало на „гугл“ годинава?

Според годишната листа на најпребарувани поими на „Гугл“ за 2017 година, може да се заклучи дека светот не се интересирал многу за политичари (дури ни Доналд Трамп не е меѓу најпребаруваните поими), туку се интересирал за природни катастрофи, славни личности и технолошки уреди.

Севкупно, најпребарувани поими годинава се ураганот Ирма, ајфон 8, ајфон икс, Мет Лауер (кој беше отпуштен од Ен-би-си њуз откако вработена се пожалила за негово непристојно сексуално однесување) и Меган Маркл, идната кралска снаа.

На глобално ниво, меѓу личностите најпребарувани се Мет Лауер, Меган Маркл, Харви Вајнстин, Кевин Спејси и Надја Тофа, меѓу песните на врвот е „Деспасито“, а од сериите најпребарувана е „Почудни нешта“.

Од луѓето што нè напуштија оваа година, најпребарувани се имињата на Том Пети, Честер Бенингтон и Крис Корнел.

Меѓу земјите од Балканот, пак, во Бугарија најпребаруван филм бил „50 нијанси сиво“, Хрватите најмногу ги пребарувале поимите „Деспасито“, „избори“ и „Ла ла ленд“, а во Србија најпребаруван збор бил „време“, додека од серии „Убијците на мојот татко“ и „Сенки над Балканот“.

За Македонија нема посебна листа на „Гугл трендс“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top