недела, 25 февруари 2018 | Вести денес: 13 ново

Сопственикот на „Дневник“ и „Капитал“: Бугарската влада сака да ги затворите медиумите за да ги згази јавните критичари

Започна процедурата за одземање на имот на бизнисменот Иво Прокопиев, сопственик на бугарските весници „Дневник“ и „Капитал“ од страна на бугарската Комисија за конфисукување на нелегано стекнат имот (КОНПИ).

На Прокопиев може да му биде одземена и сопственоста врз издавачката компанија „Икономедија“, која што ги печати двата весника доколку процедурата биде комплетирана.

Тој во соопштение ја обвини владата за политичка пресметка со него.

– Нападот на КОНПИ врз мене е јасна илустрација на тоа како корумпираната политичка елита го злоупотребува инструментот на „граѓанска конфискација“ за да ги згази своите јавни критичари, изјави Прокопиев.

Тој е осомничен за нелегална приватизација на рударската компанија „Каолин“.

Неговата издавачка куќа обвини дека во Бугарија „се раѓа тиранија“ и „заробена држава“, како и дека конфискувањето на имотот на Прокопиев е со цел да се отстрани конкуренцијата во медиумскиот простор за да се овозможи негово монополизирање од страна на бизнисменот Делјан Пеевски, чии изданија ја поддржуваат Владата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top