понеделник, 16 јули 2018 | Вести денес: 44 ново

Двајца уапсени за вчерашната пукотница во Охрид

Полицјата приведе и лиши од слобода две лица во врска со вчерашниот оружен инцидент во Охрид, кога со огнено оружје беше рането едно лице. Тие во критичниот момент биле заедно со трето лице за кое полицијата смета дека е можниот извршител на кривичното дело убиство во обид и по кое е покрената потрага.

– Засега непознатиот сторител вчера со пиштол пукал кон 34-годишно лице од Охрид, нанесувајќи му прострелна рана во пределот на десната потколеница. Повреденото лице со возило на Итна помош е пренесено во болницата „Св.Еразмо“ во Охрид, од каде, по укажаната лекарска помош е префрлен на скопските клиники – Скопје, информира портпаролот на СВР Охрид, Стефан Димоски.

Сторителот на казненото дело убиство во обид пукал врз сега повредениот, откако двајцата се сретнале на пресекот на булеварот Туристичка и улицата Бистрица во Охрид при што настанала жестока меѓусебна вербална расправија. По испукувањето, сторителот на казненото дело, заедно со уште три други лица, со патнички автомобил „фолксваген пасат“ со швајцарски регистарски ознаки, избегале од местото на настанот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top