вторник, 14 август 2018 | Вести денес: 2 ново

Милијардерот Бабиш назначен за премиер на Чешка

Чешкиот претседател Милош Земан го назначи Андреј Бабиш за премиер, кој денеска во Прашкиот замок положи свечена заклетва.

Чешкиот претседател за премиер го назначи бизнисменот милијардер и покрај тоа што тој досега нема обезбедено парламентарна поддршка за еднопартиска малцинска влада. Кон средината на следниот месец претстои да му биде гласана доверба.

Владата, во полн состав, ќе стапи на должност на 13 декември, со што ќе му се овозможи на Бабиш да учествува на средбата на врвот на ЕУ на 14 и 15 декември.

На парламентарните избори во Чешка, одржани во октомври, движењето АНО (Акција на незадоволни граѓани) на 63-годишниот Бабиш, освои близу 30 проценти од довербата на гласачите. Тоа му обезбеди 78 од вкупно 200 места во Парламентот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top