вторник, 12 декември 2017 | Вести денес: 0 ново

„The Haggis Horns“, фанк сензацијата од Велика Британија утре настапува со Џон Мекалум и Лусинда Слим

Утревечер, на 6 декември, со почеток во 22 часот, во ноќниот клуб „Станица 26“, концертната агенција и продукција „3Гонга“ ви претставува Градска Сесија со „The Haggis Horns“, фанк сензацијата од Велика Британија. Бендот во последен момент одлучи да дојде во Скопје со двајца вокалисти, кои не се дел од бендот John McCallum и Lucinda Slim.

Овие седум екстравагантни обучени џез музичари во живо звучат и подобро отколку на самите студиски албуми. Нивната музика е комбинација на брејк бит фанк, хип хоп, афро бит и џез. На оваа група докажани музичари и не им е потребна помпезна најава, земајќи предвид дека досега соработувале со музичари како Jamiroquai, John Legend & The Roots, Amy Winehouse, Take That, Mark Ronson, Martha Reeves, Roots Manuva, Lou Donaldson, Elbow, Adele, Finley Quaye, Robbie Williams, Morcheeba, Duran Duran, Craig Charles Presents The Fantasy Funk Band, The Cinematic Orchestra, Lisa Stansfield, Kano, Estelle, Lily Allen… Тие се во првите редови на фанк сцената во Велика Британија. Од 2004та година па наваму имаат издадено 4 студиски албуми и тоа “Hot Damn!, “Keep On Movin” (First Word Records), “What Does A Mind” (Haggis Records) и неодамна објавениот „One of these days“ исто така за Haggis Records… и преку 10тина објавени синглови. Седморицата млади музичари ги сочинуваат: Kenny Higgins, Malcolm Strachan, Rob Mitchell, Atholl Ransome, Erroll Rollins, George Cooper и Ben Barker.
 

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top