четврток, 19 април 2018 | Вести денес: 123 ново

Обдукцијата ја откри вистината за човекот што го прегази Тони Цетински

Истрагата за смртта на 62-годишниот Ибраим К. кого Тони Цетински го прегази со возилото, покажала нови моменти.

Наодите добиени од обдукцијата се тајни, но српскиот Курир дознава дека мажот дефинитивно лежел на патот кога Цетински во петокот на 3. Ноември поминал со своето возило.

Пејачот го удрил со својот Мерцедес, а со предмиот дел од возилото му поминал на надлактиците. Му направил уште некои повреди кои сами по себе не биле смртоносни и фатални.

По несреќата полицијата бараше да се испита дали Цетински зборувал на мобилен или пишувал СМС порака кога се случила трагедијата која крена голема медиумска прашина и го сврте вниманието на јавноста.

Мерцедесот кој го возел пејачот е уште кај полицијата.

Инаку, Ибраим беше испратен во вечниот дом минатата недела, а на погребот немаше никој од семејството на Цетински, ниту пак тој самиот не се појави.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top