понеделник, 11 декември 2017 | Вести денес: 108 ново

Седмо издание на „Недела на дизајнот“ во Скопје

Седмото издание на “Недела на дизајнот во Скопје” (Skopje Design Week) оваа година ќе се одржи од 22. до 26. ноември во „Јавна соба“ и Лукс продавницата за расвета и мебел, а подготовките влегоа во финална фаза. Тема на овогодиното издание на SDW  е „Звукот на материјалите“, каде водејќи се од фактот дека материјалите, достапноста на истите и нивната обработка, во моментов се најпримарни елементи во еден производ.

Фестивалот оваа година ќе се претстави пет програмски целини, каде секако водечката е секцијата на дизајн изложбите. Земја во фокус оваа година е Унгарија и ќе се претстави со врвна дизајн изложба составена од 20 дизајн студија, компании и поединци. Покрај изложбата, унгарските дизајнери кои во голем број доаѓаат во Скопје, ќе имаат презентции за деловниот и дизајн аудиториомот  на фестивалот, но и ќе посетат неколу фабрики во околина на Скопје.

Музичката програма се чини дека е подобра од било кое предходно издание. Пет музички групи од регионот ја имаат честа да настапат на Неделата на дизајнот и тоа, “Васил Хаџиманов бенд”, “Ѓорги Шаревски трио”, “Како – кало банда”, “Артан Лили“ и “Михали Борбели Балкан џез проект”.

Српска кулинаска забава е перформанс на готвач Мирко Веселиновиќ од винаријата Башек – Веселиновиќ од Сремски Карловци, и настанот ќе биде целoсоно достапен за јавноста.

Викенд програмата е резервирана за работлница за дизајн расмислување водена од експерти од целиот Балкан и  научно-практична работилница за деца од 7 до 10 години.

Влезот на Неделата на дизајн и на двете локации, Јавна соба и Лукс мебел и расветa, е слободен за сите посететители.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top