петок, 24 ноември 2017 | Вести денес: 73 ново

Костовски: Како Смилевски нуди соживот кога се отсели од Бутел 2, каде не живеат Македонци

Кандидатот за градоначалник на општина Бутел од ВМРО-ДПМНЕ, Дарко Костовски денеска реагираше поради тоа што неговиот противкандидат од СДСМ, Велимир Смилевски својата кампања ја водел така што, на жителите во Бутел им велел дека Корстовски мрази луѓе кои не се етнички Македонци.

-Деновиве мојот противкандидат на луѓе од други нации жители на Бутел зборувал дека сум мразел луѓе кои не се етнички Македонци. Прво – пораснав дружејќи се со Турци, Срби, Албанци, Роми, Бошњаци, Власи. Второ – како тој им нуди соживот кога се отселил од Бутел 2 место каде што е етнички мешано, бегајќи баш од луѓе од друга нација и вера. Трето – ако со срце си го сакаш своето не значи дека мразиш нешто друго. Четврто – премногу е лошо да се откажуваш од своето само за да се додвориш на други. Петто – обврска од минатите генерации ни е да ја чуваме верата, знамето и македонската чест. Шесто – сите жители на Бутел мораат да бидат рамноправни, никој не смее да има посебни привилегии. Седмо – никој не смее да тргува со национални интереси заради гласови, напиша Костовски на својот Фејсбук профил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторска содржина (текстови и фотографии) со ставање хиперлинк до содржината што се цитира.

Top