среда, 25 април 2018 | Вести денес: 75 ново

Скопјанец ранет на Зајчев Рид

Триесет и тригодишниот скопјанец В.С. завчера бил примен во Градската општа болница „8-ми Септември“ со повреди од огнено оружје на десната страна на лицето, десното колено и десната рака, што вчера било пријавено во полиција.

В.С., како што е наведено во полицискиот билтен, бил на лов на Зајчев рид и околу 7:40 часот, додека се движел кон местото познато како Бардовечко брдо, слушнал истрели од огнено оружје, по што се здобил со телесни повреди.

Врз повредниот В.С. била извршена хируршка интервенција и се наоѓа надвор од животна опасност.

Се преземаат мерки за целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top