понеделник, 18 декември 2017 | Вести денес: 0 ново

Огнен Здравковски направи преработка на песната на Тоше, „Кад вараш ти“ (видео)

Една од најубавите песни на нашата музичка легенда Тоше Проески, „Кад вараш ти“, ја доби најубавата преработка досега и тоа од младиот и талентиран пејач Огнен Здравковски.
За прекрасната преработка, Огнен сними и видеоспот, а песната веќе се врти на скоро сите наши радиостаници.
По само неколку дена од објавувањето на ова музичко дело, Огнен учествуваше и на нашиот најреномиран фестивал „Макфест“ каде се претстави со неговата „Зошто не се јавиш“. Како текстописец на макфестовската песна на Огнен се потпишува Елвир Мекиќ, додека музиката и аранжманот се дело на Никола Автовски.
– Изминативе шест месеци работев напорно на овие две песни. Со Тоше и неговите песни од секогаш сум бил емотивно приврзан, па затоа сакав да препеам и преработам еден од неговите хитови. Ја одбрав „Кад вараш ти“ бидејќи ми е една од трите мои омилени песни од Тоше. Се потрудив да ја донесам песната во мој стил и се надевам дека ќе ви се допадне. А и песната од „Макфест“, како што гледам веќе е одлично прифатена кај публиката. Иако не освоив ни една од наградите, според коментарите и пофалбите што ги следам на социјалните мрежи таа веќе е доста слушана. Очекувајте уште многу нови работи од мене за во иднина – вели Огнен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top