среда, 18 октомври 2017 | Вести денес: 109 ново

Металург ја пропушти шансата за победа во Харков

Нашиот претставник во ракометната ЛШ Металург по одличното прво полувреме во кое водеше со 18-12 против украинскиот Мотор, сепак не успеа да победи во Харков и се враќа со нерешен резултат 28-28.

Металург повторно играше без Лино Червар но изненади во првиот дел  за да целосно разочара во вториот.  Гуглета и Јагањац беа најефикасни во нашиот тим со по 7 погодоци додека Арсиќ фати 12 топки.  Тимот од Автокоманда на оваа средба настапи без Кузмановски.

Вистинска драма се случи во финишот од мечот кога Металург поведе на стартот од последните три минути со 28-26 но дозволи израмнување 28-28. Потоа  македонскиот тим не реализира напад за да ракометарите на Мотор во последните 7 секунди стигнат до голот на Арсиќ но за среќа стрелаа само во пречката.

Top