среда, 18 октомври 2017 | Вести денес: 104 ново

Бизарни и болни начини за разубавување на старите холивудски диви

Во Холивуд денес речиси нема актерка која немала некој естетски зафат. Меѓутоа, во златното доба на Холивуд, славните личности не биле под толку голем притисок во секој момент да изгледаат беспрекорно, па немало ни потреба од пластична хирургија.

Рита Хејворт

Ако се вратиме малку во минатото, ќе се сетиме дека обликот на косата беше доминантен тренд. Рита Хејворт се одлучи да ја бојадиса својата коса со црвена боја за да се спаси од ниските линии на раст на косата, кои се карактеристични за латино-луѓето.

За да ја преобликува линијата на растот, Рита една година одела на електролиза, која вклучувала и „шокирање” на фоликулите на влакната со метална сонда, со цел да предизвика трајно губење на косата.

Мерлин Монро

Најголемата холивудска ѕвезда експериментирала со електролиза, за трајно да ја отстрани косата на врвот на челото, а со тоа и да го измени обликот на лицето.

Постојат сомнежи дека Мерилин направила и ринопластика. Иако, тоа не е толку видливо, рендгенската снимка на нејзиниот череп покажала дека е направена некаква хируршка интервенција врз ‘рскавицата на носот.

Марлен Дитрих

Заштитен знак на Марлен Дитрих и беа острите јаболкници, за кои се зборуваше дека „можат да сечат стакло”. Но, се говореше дека тие не и биле такви од раѓање. Таа, наводно, ги отстранила катниците за да ги истакне шуплините на нејзините образи.

Покрај тоа, Дитрих беше поддржувач на Кројдон Фејслифт, користејќи ги како хируршките лепенки со боја на кожа, како и стратешки свитканата коса, која имала за цел да ја повлече кожата на лицето, пред сѐ на челото, нагоре.

Top