вторник, 12 декември 2017 | Вести денес: 1 ново

Македонец обвинет за убиство на својот цимер во Мичиген

Дваесет и двегодишниот Јовица Николоски е обвинет за убиство на својот цимер Спасе Граждани во Вестленд, во американската сојузна држава Мичиген.

Убиството, според медиумите од Мичиген, се случило уште на 9 септември, кога полицијата го пронашла телото на 25-годишниот Граждани со повеќе убоди од нож.

Според полицијата, по расправија меѓу нив, Николоски го избодел со нож Граждани рано изутрината, се истуширал и на неколку часа заминал од станот. Околу пладне се вратил и ја повикал полицијата.

Николоски за убиството од прв степен се соочува со доживотна казна затвор, а сега е во затвор, без можност за кауција.

Николоски се појавил на суд пред десет дена, а ќе се врати во судница во октомври бидејќи неговиот адвокат побарал дополнително време за да ги собере документите и информациите што се однесуваат на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top