четврток, 22 февруари 2018 | Вести денес: 0 ново

Мицкоски на состанок со ОК Карпош: Убедлива победа на ДПМНЕ на локалните, таа е единствена партија која се грижи за националните интереси

Раководството на најбројната партија во Собранието, ВМРО-ДПМНЕ продолжува со теренските активности и средбите со членството на партијата и граѓаните низ целата држава. Денеска генералниот секретар на партијата Христијан Мицкоски, беше на работен состанок со членовите на ВМРО-ДПМНЕ од скопски Карпош.

Просториите на Општинскиот Комитет Карпош, беа претесни за да ги соберат луѓето кои дојдоа на состанокот со Мицкоски. Тие испратија порака дека ВМРО-ДПМНЕ убедливо ќе победи на локалните избори во октомври и тоа не само во Карпош и Скопје, туку и низ целата држава.

Граѓаните кажаа дека доволни биле само три месеци за сите да видат со каква власт си имаат работа и дека ВМРО-ДПМНЕ е единствената партија која што се грижи за националните интереси на Република Македонија.

Како што порачаа тие, победа на локалните избори ќе значи и отворен пат за предвремени парламентарни избори на кои ВМРО-ДПМНЕ ќе ја врати власта и на централно ниво.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top