понеделник, 25 септември 2017 | Вести денес: 78 ново

Детали за несреќата кај Велес: Автобусот паднал во провалија во 19 часот, повредени околу 20 лица

Автобус со грчки таблички вечерва излетал надвор од коловозт на автопатот Скопје ­ Велес. Во тек е излекување на повредените патници. Според првичните информации повредени се околу 20 лица.

– Околу 19 часот на автопатот Скопје -­ Велес, во близина на зимскиот пункт Кула, автобус со грчки национални ознаки изгубил контрола и излетал надвор од коловозот. На место на настанот присутни се екипи на брза помош и полициски возила. Се работи на извелекување на повредени, потврдиле за МИА од МВР.

Директорот на Универзитетската клиника за хируршки болести „Св. Наум Охридски“ (Стара Градска болница) др. Иван Спировски информира дека според нивните првични сознанија околу 20 лица биле повредени, од кои кај нив се примени шестмина кои се во фаза на испитување, а по извршените снимања ќе се утврди дали ќе бидат хоспитализирани.

– Засега на Универзитетската клиника за хируршки болести се примени шест пациенти кои што се во фаза на испитување. Еден е потешко повреден со контузија на градниот кош и на стомакот и е во фаза на испитување на компјутер. Уште една пациенка е со скршеница на левата надлактица, изјави др. Спировски.

Во Болницата во Велес се примени осум лица од кои едно дете, но засега не соопштуваат повеќе детали. Поради сообраќајната незгода сообраќајот на автопатот се одвива отежнато по една коловозна лента.

Top