сабота, 16 декември 2017 | Вести денес: 28 ново

14-годишната Кадоглу и Ајдарски победници на Олимпискиот маратон, Илиески – трет (ФОТО)

Бугаринот Венцислав Ајдарски е победник на првото издание на Олимпискиот маратон на 10 километри кој денеска се одржа во водите на Охридското езеро, а на кој партиципираа 12 пливач(к)и.

Ајдарски се запишува како прв победник на овој маратон, откако во фото финиш за дел од секундата беше подобар од Холанѓанецот Марсел Шутен, пливајќи ја патеката со време од 1 час, 54 минути и 48 секунди. На третото место заврши македонскиот пливач Александар Илиески, кој следниот викенд ќе плива и на традиционалниот Охридски маратон.

Во женска конкуренција триумфираше 14-годишната Василики Кадоглу од Бугарија со време од 2 часа, 20 минути и 37 секунди, а втора беше Тјаша Возел од Словенија.

Желбата на организаторите на трката, која се одржа под мониторинг на ФИНА, се Охридскиот олимписки маратон веќе од следните години да биде вметнат и во календарот на Светската пливачка федерација.
ФОТО: www.ohridnews.com.mk

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top